Sebastian vereer by dagblad-toekennings

Op net 12-jarige ouderdom kan Sebastian Pretorius trots wees dat al sy harde werk raakgesien word.

Hy is op Donderdag, 30 Junie tydens die 2022 Mail & Guardian 200 Young South Africans Awards Ceremony by die Markteater in Newtown aangewys as die jongste ontvanger van die toekenning in die Onderwys-kategorie.

Sy ma Leonie Pretorius het verduidelik dat die Mail en Guardian vir die afgelope 17 jaar elke jaar die Top 200 Suid-Afrikaanse jongmense tussen die ouderdomme van 18 tot 35 aanwys wat hulle beskou as toekomstige leiers. Sebastian het egter reeds op 12 die lys gehaal nadat sy koderingsfasiteerder hom genomineer het.

Hy is ‘n wenner in die Onderwys-kategorie vir sy bydrae tot die ontwikkelings van onderwystoepassings. Hy is genooi om ‘n promosietoer by ‘n paar skole te doen om kinders te motiveer. Ons is ongelooflik trots op hom.”

Sebastian het vertel dat hy uit die veld geslaan is deur die toekenning, maar dat hy ongelooflik geëerd en dankbaar voel.