Voertuie ‘n lus vir die oog tydens skou

Motorliefhebbers het onlangs bymekaar gekom om met hul opgeboude en unieke motors te spog.

Die motorskou is op die gronde van Roesemoes in Wheatlands op Saterdag, 30 April gehou. Verskeie motors is ten toon gestel, waaronder ‘n 1959 Fiat Topolino, ‘n Mazda RX7, ‘n pragtige Nissan 200SX, en ‘n Chevrolet Camaro Z28.

Tydens die opwindende dag was daar verskeie kategorieë, soos ‘n show and shine, beste enjin, sound-off, best modified en best crew.

Een van die organiseerders, Sarel Oosthuizen het vertel dat dit hul motorklub, die 707legends se eerste motorskou vir motorliefhebbers was, en hulle beoog om weer so ‘n skou te hou waar mense met hul voertuie kan kom kom spog.

Vir ons eerste skou was dit ‘n reuse sukses,” het Sarel vertel.