Makiti Win a Wedding: ‘Ons wil graag die kompetisie wen’

‘n Paartjie van Randgate wil graag die droomtroue hê waarvoor hulle al vyf jaar wag.

Sharmone Conradie en Wessel van Staden, albei 28, is in die onderwys en het in 2017 verloof geraak. Met al die dinge wat heeltyd in die pad kom kon hulle nog nie hul droomtroue hou nie.

Hul het gevolglik vir ‘Makiti Win a Wedding‘ ingeskryf met die hoop dat hulle hul droomtroue kan wen sodat Sharmone uiteindelik ook ‘n Van Staden kan wees.

Ons wil graag die kompetisie wen omdat ons dan weet dat ons groot droom uiteindelik waar gaan word, en dat ek uiteindelik met my beste vriend kan trou en ons ons droomtroue kan hê.”

Sy het vertel dat na nege jaar in ‘n verhouding en twee pragtige kinders saam is hulle meer as seker dat hulle gemaak is vir mekaar. Dit sal vir hulle die wêreld beteken om hierdie kompetisie te wen en as gesin een te word.

Stem so vir Sharmone en Wessel:

Gaan na die skakel hier, klik op Sharmone Conradie en volg die nodige stappe.

Lees die volledige berig in volgende week se Herald (22 April).