Dit was net rooi waar jy gekyk het tydens die Vrouelandbou-unie Middelvlei-tak se Valentynsontbyt.
Die geselligheid op Donderdag, 10 Februarie was by die lieflike Menûchân Koffiewinkel in Elandsvlei waar die dames lekker geëet en gekuier het. Hulle was in rooi en wit geklee om die spesiale maand van liefde te vier.
Die tafels was al te mooi versier met rooi tafeldoeke en lanterns met rose.
Ria Herbst het eers ‘n paar woorde gesê voordat almal die heerlike ontbyt van selfhelp-peuselhappies geniet het.
Al die dames het dié byeenkoms vreeslik geniet.
Related Articles
