Daar was groot opgewondenheid toe Laerskool Randfontein hul nuwe groep Graad 1’s van 2022 verwelkom het.
Die klein leerdertjies het met groot tasse vol boeke, blink skoene en baie entoesiasme by die skoolsaal ingestap om hul Ram-paspoorte en -hemde te kry, waarna hulle na hul klasse toe is om nuwe maats en hul onderwyser te ontmoet.
Al die leerders was baie opgewonde om uiteindelik na die lang wag in die grootskool te wees en hul eerste amptelike dag op Dinsdag, 11 Januarie te begin.
“My last born is going to school, it’s emotional in a happy way, and I’m proud of her,” het Lebogang Phoshane gesê.
Die maats was nie eers bang nie, want ‘n trotse mamma en pappa was daar langs hul klein lyfies wat hierdie nuwe fase in hul lewens begin.
Ons is baie opgewonde oor ons laaste kind wat Ram toe gaan! Ram is tops,” het Maryna de Kocker vertel.
