Talle gholfspelers het op Vrydag, 12 November by die Krugersdorp-gholfbaan bymekaargekom om Laerskool Rapportryer se jaarlikse gholfdag te ondersteun.
Hooforganiseerder Marsha Coetzer het gesê dit was hul suksesvolste gholfdag nog.
“Die gholfdag is gehou om geld in te samel vir ons minderbevoorregte leerders. Baie daarvan gaan gebruik word om vir hulle kos te koop en om hulle deur die vakansietyd te dra,” het sy verduidelik.
Mapogo A Mathamaga Security was hul hoofborg terwyl Pest Control ‘n allemintige R25 000 prys by die sesde putjie geborg het – dis is nou as jy ‘n kolhou kon slaan. Niemand kon dit ongelukkig regkry om die groot prysgeld los te slaan nie.
Almal het die dag op die gholfbaan baie geniet en die ondersteuning vir Rappies was iets om te onthou.
Die skool wil ook net baie dankie sê aan die volgende borge wat die dag moontlik gemaak het: Mapogo A Mathamaga Security, Jawitz, Big Boy West Rand, Johan Lensley, Professional Risk Consulting, Pest Control, Rubber All, Witronics, At PrintFection, Windpomp, Ben Morgenrood, Noble Properties, Elite Business Solutions, ActServ Solutions, A’Africa Pest Prevention, Autozone en Hoërskool Monument.
At Caxton, we employ humans to generate daily fresh news, not AI intervention. Happy reading!
You can read the full story on our App. Download it here.