Dit was ‘n vroeë Kersfees vir leerders van Laerskool Randfontein toe lede van verskeie motorfietsklubs die skool op Maandag, 15 November met geskenke bederf het.
Al wat jy op die veld kon hoor was die gebrul van die motorfietse en die opgewonde leerders op die pawiljoen.
Gert Krog, een van die organiseerders het vertel dat ander Wes-Randse motorfietsklubs ook betrokke was by die uitreik en dat dit die negende jaar is dat hulle die leerders so bederf.
Geskenke is tydens die Gift Run ingesamel en Naughty by Nature-motorfietsklub het die res geskenk.
Sommige van die leerders het ook ‘n rit op ‘n motorfiets om die veld geniet en selfs Leon Haupt, hoof van Laerskool Randfontein het ‘n beurt gekry.
