Motor- en wolfhondskou net vir Cast Aways

'n Somerfees is in Greenhills gehou ten bate van die Cast Aways Animal Sanctuary.

October 27, 2021

Michelle Roodt 1 minute read

Johan Botha met sy Audi A4. Foto: Michelle Roodt.

Talle gemeenskapslede het op ‘n sonninge Saterdag, 23 Oktober na die Randfontein Spur-gronde gestroom vir die Cast Aways Animal Sanctuary se somerfees.

Daar was stalletjies wat verskeie goedere verkoop het wat gewissel het van speelgoed tot lekkernye. Daar was ook ‘n motorskou waar verskeie unieke voertuie ten toon gestel is terwyl vermaak deur Grizz, Belinda Davids, Jessie Boston, Marilyn, Maryna Booysen en die Achy Breaky Line Dancers verskaf is.

Sylvia Pieterse, Lizette Snyman en Bella Pieterse. Foto: Michelle Roodt.

Daar was boonop ‘n wolfhondskou waartydens akteur Jonathan Pienaar gesels het oor hierdie wonderlike diere.

Selfs die Randfontein Oval Renbaan het hul karre uitgestal.

Akteur Jonathan Pienaar saam met Fang die wolf. Foto: Michelle Roodt.

Louisa Rossouw, eienaar en stigter van Cast Aways het vertel dat die fees gehou is om geld in te samel om hoofsaaklik hul veeartsrekeninge te kan betaal.

“Ons het ‘n wonderlike dag gehad en is dankbaar teenoor elkeen wat ‘n sukses daarvan gemaak het.”