EPR Sekuriteit se jongste misdaadverslag toon dat daar 21 insidente gerapporteer is van Maandag, 28 Junie tot Sondag, 4 Julie.
Volgens EPR se algemene bestuurder, Johan Krogh het minstens 11 insidente plaasgevind by besighede, ses by wonings, een by ‘n hospitaal, een by ‘n skool, en twee by kerke.
Huisbraak was bo aan die lys, met vyf insidente.
Daar is ingebreek by ‘n besigheid in Jukskeistraat in Toekomsrus; by ‘n woning op ‘n plot in Middelvlei; by ‘n besigheid in Briggsstraat in Westonaria; by ‘n kerk in Daviesstraat in Westonaria; en by ‘n kerk op ‘n plot in Randfontein-Suid.
Diefstal en roof was volgende op die lys, met vier insidente elk.
Weens die strenger inperkings en verandering in aandklokreëltye het ons nie net ‘n afname in insidente die afgelope week ervaar nie, maar ook ‘n afname in insidente tydens die aandklokreëltye,” het Krogh vertel.
Hy het genoem dat roof by besighede, huisbraak en diefstal egter ‘n kommer bly in die area.
EPR SEKURITEIT SE VOLLEDIGE VERSLAG: