Talle besigheidseienaars in Homelake is raadop met riool wat vir ongeveer ‘n week en ‘n half voor hulle besighede verbyloop.
Manie Scheepers en Pottie Potgieter het besighede in Van Riebeeckstraat. Manie het vertel dat toe die riool vir ‘n dag opgehou uitstroom het, het hulle gedink die probleem is opgelos, maar die volgende dag was dit erger.
“Dit het in Brianstraat begin loop tot in Elainestraat, en toe weer in Van Riebeeckstaat,” het Manie vertel.
Volgens hom rapporteer hy dit nie eers meer nie omdat dit nie help nie.
Ons moet erfbelasting, dienstegeld en besigheidsbelasting betaal wat die gewone huiseienaars nie betaal nie, maar wat kry ons daarvoor?” het Pottie gesê.
Hy het ook vertel dat die riool ‘n groot gesondheidsrisiko is vir almal; vir hulle, hul kliënte en verbygangers.
“Waar is die partye waarvoor ons stem?” het Pottie gevra.
