Die kleuters van Little Angels Daycare het onlangs ‘Easter For Jesus’ gevier, asook weggesteekte paaseiers probeer opspoor.
Volgens Chevonne Buitendag, hoof van Little Angels Daycare het hulle die Paaskalender gevolg vanaf Palm Sondag tot en met Gesinsdag.
“Ons het elke dag vir die maats gelees en geleer waaroor elke dag gaan, en ons het ook aktiwiteite volgens die dag voltooi om vir die kinders bewus te maak van waaroor Paasfees regtig gaan.”
Sy het vertel dat hulle op Woensdag, 31 Maart Paasfotos geneem het en op Donderdag, 1 April het hulle paaseiers weggesteek wat ouers vir hulle gestuur het.
“Die kleuters het ‘n kans gehad om die eiers te soek, en elke eier het ‘n boodskap op gehad wat sê ‘No bunny loves you like Jesus’.”
Volgens Chevonne wil hulle by Little Angels Daycare hê dat hul kinders se liggies altyd moet skyn vir Jesus.