Die meerderheid van die insidente wat oor die eerste naweek van 2021 gerapporteer is, was by besighede.
Dit is volgens EPR Sekuriteit se misdaadverslag vir hul kliëntebasis in die Rand-West-area vir die tydperk van 1 tot 3 Januarie. Uit die 15 insidente gerapporteer is 12 aan misdaad verwant. Drie insidente van natuurskade is ook gerapporteer.
Die plekke wat geteiken is, is Glenharvie, Wilbotsdal, Helikonpark, Hillside, Westonaria, Aureus, Greenhills en Westergloor. Op Saterdag, 2 Januarie was daar een insident van gesinsgeweld by ‘n woning in Oasis Manor.
Die afgelope naweek is nie minder as ses huisbraakinsidente aangemeld nie. Daarmee saam was daar ook vier diefstalgevalle en drie van skade weens die erge reën wat oor die naweek geval het. Sterkte aan die inwoners wat skade gehad het weens die reën.
“Ons wens inwoners ‘n veilige en voorspoedige 2021 toe,” het Johan Krogh, hoofbestuurder van EPR Sekuriteit aan die Wes-Rand gesê.
EPR SEKURITEIT SE VOLLEDIGE VERSLAG:
