Laerskool Randfontein het op Vrydag, 4 Desember hulle toekomstige Graad 1-leerders verwelkom.
Volgens Annie Nolan, skoolwoordvoerder, het Ram dit goed gedink om die nuwe 2021 Graad 1-maats reeds vroeg tuis te laat voel.
Die maats het uitgevind in wie se klas hulle volgende jaar gaan wees en watter een van die mooi juffrouens hulle gekry het,” het Annie vertel.
Elke maat het ook by hul juffrou ‘n verwelkomingspakkie en ‘n Ram-liniaal ontvang. In die verwelkomingspakkie was al die inligting wat hulle benodig vir Graad 1.
Sy het ook vertel dat die GroenGrompie, die skool se klerewinkel oop was vir die aankoop van skoolklere en skryfbehoeftes, en daar is spesiale afslag aan al die nuwe ouers gegee sodat hulle hul kinders in trotse Rammie-klere kan aantrek.
Ram is baie opgewonde oor die groot Graad 1-groep van 2021,” het Annie afgesluit.
