Die dames van die Vrouelandbou-unie (VLU) se Middelvlei-tak het op Donderdag, 12 November bymekaar gekom vir hul laaste vergadering en Kersafsluiting vir 2020.
Die dames het die gesellige samesyn by Vredenvlucht-koffiewinkel en deli in Loumarina geniet, waar hulle die jaar afgesluit het deur eers vergadering te hou, en toe ‘n heerlike ontbyt en ‘n feestelik versierde wortelkoek gehad het.
Tersia Herbst, skakelbeampte vir die Middelvlei-tak het vertel hoe lekker die dames van die VLU en twee ander gaste dié oggend saam gekuier het.
“Dit was ‘n moeilike jaar omdat ons mekaar nie kon sien tydens die grendeltyd nie. Ons bied gewoonlik kreatiewe klasse aan of gaan op lekker uitstappies, maar dit is alles gestop,” het sy vertel.
Tersia het gesê dat hulle baie uitsien na die nuwe jaar wat voorlê want hulle gaan weer baie leer.
