Cast Aways Animal Sanctuary is op Saterdag, 10 Oktober deur die maatskappy, Retire Rich and Happy bederf.
Die span van Retire Rich and Happy het die oggend by Cast Aways deurgebring en onder andere gehelp om die diere se hokke skoon te maak en het ‘n bietjie tyd saam met die diere gespandeer.
LEES OOK: Cast Aways Animal Sanctuary pleads for help
Volgens Lourens Oberholzer, hoof uitvoerende beampte van Retire Rich and Happy, het hy vir sy verjaarsdag vanjaar besluit om eerder iets vir liefdadigheid te doen.
Ons het ondersoek ingestel en gesien dat Cast Aways nie regtig veel ondersteuning kry nie, en besluit om vir hulle iets te doen. Ons wil graag elke jaar so iets doen,” het Lourens vertel.
Louisa Rossouw, die eienaar en stigter van Cast Aways bedank graag die maatskappy vir hul tyd en al die produkte wat hulle geskenk het.
“Ons is nie wel bekend nie, dus is daar nie woorde vir so ‘n groot donasie en fondsinsameling soos vandag nie. Baie dankie,” het sy gesê.
“Ek en die personeel asook ons dierekinders waardeer die ondersteuning in dié tyd.”
Indien jy ‘n helpende hand vir Cast Aways Animal Sanctuary wil gee, kan jy hulle skakel by 072 812 3333.
