Twee Laerskool Randfontein-leerders wat onlangs ambassadeursbalkies verwerf het, doen hul deel om die gemeenskap te help.
Sebastian Pretorius en Sharika Bondesio help kos insamel vir dié in nood, in samewerking met die skool se onderwysers wat verantwoordelik is vir die voedingskema.
Volgens Leonie Pretorius en Erica Bondesio, die organiseerders van die projek en die ma’s van die twee leerders, het hulle die projek aan die begin van September aangepak en tot dusver ongeveer 80 gesinne gehelp.
Ons het plaaslike besighede genader, en Pick n Pay Helikonpark en Spar Greenhills was dadelik aan boord,” het Leonie vertel.
Daar is spesiale trollies by die twee winkels waarin lede van die gemeenskap kosprodukte kan plaas. Hulle gaan haal dit dan en maak die kospakkies op wat aan gesinne in nood geskenk word.
Diegene wat verkies om die produkte direk aan die skool te gee kan met juffrou Celest Pretorius gesels.
“Enige ander besigheid wat ‘n bydrae wil lewer is welkom om kontak te maak,” het Leonie gesê, en bygevoeg dat hoe meer hulp hulle kry, hoe meer gesinne daarby kan baat.
