Little Angels Dagsorgsentrum in Greenhills het soos altyd Erfenisdag op ‘n spesiale manier gevier.
Chevonne Buitendag, eienaar en hoof van die dagsorgsentrum het vertel dat al die maats van die kleuterskool baie opgewonde was om op 23 September volgens hul verskillende tradisies aangetrek skool toe te kom.
“Die leerders was baie bly om vir hulle maats hul trotse tradisies te wys. Ons het die dag saam met die kleuters vreeslik geniet,” het Chevonne vertel.
Daar was van Zoeloes, Voortrekkers, boere tot ‘n Skot.
