#Teineboys se eerste ontbyt sedert inperking
Die Randfontein Rugbyklub het hul eerste #Teineboys-ontbyt sedert die inperking aangebied.
Randfontein Rugbyklub het hul eerste #Teineboys-ontbyt sedert die inperking aangebied.
Die reuk van wors wat braai en pap wat kook het die lapa vroeg Woensdagoggend, 23 September gevul.Â
Volgens Lulu Kleyn, die klubbestuurder, is die #Teineboys-ontbyt vir besigheidsmanne en -vroue ‘n geleentheid om in ‘n ander atmosfeer sosiaal te verkeer, asook ‘n manier waarop die onderskeie besighede kan netwerk.
“Die ontbyt is ook ‘n fondsinsamelingsprojek vir die rugbyklub,” het Lulu vertel.
Almal is volgens haar welkom – ou vriende en nuwes. “Ons het ‘n paar nuwe vriende gehad en nooi graag nog meer besighede uit om saam met ons manne en dames te kom kuier.”Â
Tydens die #Teineboys-ontbyt is ‘n Lions-hemp aan Tobie Spangenberg van Grain Carriers as ‘n aandenking oorhandig. Stean Pienaar van die Lions het die hemp geskenk.
Lulu het belowe dat die datum van die volgende ontbyt mettertyd deurgegee sal word.Â