![](https://images.caxton.co.za/wp-content/uploads/sites/3/2020/09/door-3111864_960_720_38500_tn-749x470.jpg)
Minstens 13 insidente is gedurende die naweek van 18 tot 20 September in Randwes (Randfontein/ Westonaria) by EPR Sekuriteit aangemeld.
Volgens Johan Krogh, hoofbestuurder van EPR Sekuriteit aan die Wes-Rand het die meeste insidente (nege) by besighede plaasgevind. Daar was verder twee insidente by wonings, een by ‘n privaathospitaal en een by ‘n laerskool in Venterspos.
“Die aanpassing van die aandklokreël en verslapping van ander inperkingsregulasies het beslis ‘n negatiewe uitwerking op misdaad in die omgewing.
Huisbrake is beslis weer aan die toeneem en meer insidente vind plaas na 10nm.
“Die meeste insidente is oor die naweek ook weer by besighede aangemeld aangesien meeste besighede dan gesluit is en daar niemand op die persele is nie,” het Krogh gesê.
EPR SEKURITEIT SE VOLLEDIGE VERSLAG:
![](https://images.caxton.co.za/wp-content/uploads/sites/3/2020/09/EPR-21-SEP-20-RH-800x242.jpg)