Myburgh Foundation op ‘n brood-missie
Die Myburgh Foundation het 50 behoeftige huishoudings in Toekomsrus geïdentifiseer vir wie hulle elke dag in Augustus brood gaan uitdeel.
Die Myburgh Foundation in Toekomsrus poog om elke dag in Augustus 50 brode vir behoeftiges in die gemeenskap uit te deel.
Volgens Randy Christian, stigter van die Myburgh Foundation, het Covid-19 en die grendeltyd ‘n groot impak op Toekomsrus se inwoners en daarom het hulle besluit om in te gryp.
Ons doel is om dié maand 1 500 brode uit te deel. Dit beteken dat 50 huishoudings elke dag ‘n brood sal kry en dan iets het om te eet.
“Ons het die huishoudings as behoeftig geïdentifiseer en daarom help ons hulle.”
Die stigting het ook 40 persoonlike higiëne-versorgingspakkies vir ‘n paar jong meisies en seuns saamgestel om die nodige ondersteuning te bied gedurende hierdie moeilike tye.
“’n Spesiale dankie aan die Rand West City Plaaslike Munisipaliteit se Heather Butler, Lid van die Burgemeesterskomitee vir Openbare Veiligheid, vir haar ondersteuning sowel as ons anonieme borge. Sonder die gemeenskap se hulp sou projekte soos hierdie nie moontlik gewees het nie,” het Randy bygevoeg.
