EPR waarsku: Steeds die tendens om sakepersele oor naweke te teiken

Jongste volledige misdaadverslag van EPR toon dat die meeste van die insidente by sakepersele plaasvind.

Omstreeks 9nm op Nasionale Vroudag, 9 Augustus is die voordeur van 'n besigheid in Glenharvie oopgebreek en 'n yskas is gesteel. Foto: Pixabay.

EPR Sekuriteit se jongste misdaadverslag dui aan dat minstens 12 insidente gedurende die langnaweek van 7 tot 10 Augustus in Randwes (Randfontein/ Westonaria) gerapporteer is.

Volgens Johan Krogh, hoofbestuurder van EPR Sekuriteit aan die Wes-Rand het die meeste van die insidente by sakepersele plaasgevind.

Die tendens duur voort om sakepersele oor naweke te teiken aangesien die persele dan in die meeste gevalle onbeman is,” het hy gewaarsku.