Hoërskool Riebeeckrand is al baie jare lank bekend vir hul uitstekende Public Speaking-prestasies.
Op Maandag, 2 Maart en Woensdag, 4 Maart het hulle hul jaarlikse interne Public Speaking-kompetisie gehou. Daar was geen voorgeskrewe temas nie, en die leerders se praatjies kon oor enige onderwerp handel.
“Die leerders het die beoordelaars beïndruk met hul uitstekende redenaarstalent en selfvertroue,” het skoolwoordvoerder Elzeri Wright vertel.
Die top drie wenners van die interne Public Speaking-kompetisie is soos volg:
Juniors:
• Eerste: Dryton Barnard
• Tweede: Christiano da Corte
• Derde: Boipelo Matsimele
Seniors:
• Eerste: Devonique Breedt
• Tweede: Werner Gabriël
• Gesamentlik derde: Ivana Strydom en Thulani Mainguele
Elzeri het bygevoeg dat Hoërskool Riebeeckrand baie trots is op al die leerders wat aan die interne Public Speaking-kompetisie deelgeneem het.
Riebeeckrand wens al hul Public Speaking-spanne sterkte toe met die kompetisies waaraan hulle deur die loop van die jaar gaan deelneem.
