Op Dinsdag, 17 September het Hoërskool Riebeeckrand beïndruk met hul en Game Of Times Musical-revue.
Volgens Leona Esterhuyse, een van die organiseerders van die revue, het talle bejaardes spesifiek dié vertoning bygewoon wat gevul was met komedie, danse en sang. Verskeie karakters, waaronder Romeo en Juliet, nuuslesers, Elvis en Winnie Madikizela Mandela het die gehoor beslis stomgeslaan met hul optredes.
Leona het bygevoeg dat leerders sedert Februarie met voorbereiding vir die revue begin het, en is daar twee keer per week twee uur lank geoefen. Die hoofkarakters het een keer per week vier uur lank geoefen. Meer as 100 leerders was deel van die produksie.