Drie leerders van Laerskool Rapportryer is gekies as wenners van vanjaar se Santam Kinderkuns-kompetisie.
Ru-Anne Jenkinson (Graad 6), Bendin Hatting (Graad 5) en Danika Greef (Graad 6) se kunswerke is as die beste uit meer as 4 300 inskrywings aangewys.
Volgens Roleen Olivier, die skoolwoordvoerder, sal hul kunswerke op die Santam Kinderkuns aanlyn-uitstalling gedurende die eerste kwartaal van 2020 te siene wees.
Hulle is baie trots op die sertifikate en medaljes wat hulle vir die prestasie ontvang het.
“Rappies is baie trots op die uitstekende kunswerke wat hulle vir die kompetisie gelewer het.”