Besigheid skenk 360kg-hondekos

Cast Aways Animal Sanctuary in Wilbotsdal is verlede Dinsdag, 23 Julie deur 'n besigheid, Evotel, met byna 400kg hondekos bederf.

Louisa Rossouw, direkteur en stigter van Cast Aways Animal Sanctuary met Nicol Peyper van Evotel en een van die 18 sakke Optimizor Premium-hondekos. By hulle is twee van die 147 honde in Cast Aways se sorg.

Evotel het verlede Dinsdag 18 sakke hondekos met ‘n totale massa van 360kg aan Cast Aways Animal Sanctuary in Wilbotsdal geskenk.

Evotel is ‘n veselnetwerkdiensverskaffer wat optiesevesel-netwerke in bepaalde gebiede installeer.

Volgens Dean Denyschen, Evotel hoof van verkope, het dit onder hul aandag gekom dat daar veral by Cast Aways ‘n nood is.

“Ons is altyd bly om te help waar ons kan. Hierdie is ‘n geleentheid vir ons om te belê in die diere se welstand in gemeenskappe waarby ons betrokke is.”