Leer ‘n Teiner Ken #104 – Sue-Ann Visser
Die Herald ontmoet die 104de persoon in die gewilde #Leer ‘n Teiner Ken-veldtog.
Op Dinsdag, 19 Maart het die Herald vir Sue-Ann Visser, die 104de persoon in ons gewilde #Leer ‘n Teiner Ken-veldtog in die Randfontein-middedorp ontmoet.
Die 45-jarige Sue-Ann werk al vir meer as 20 jaar by Jimmy’s Midas in Randfontein. Hoewel sy 17 jaar gelede Krugersdorp toe getrek het, ry sy daagliks Randfontein toe om hier te kom werk want haar wortels is steeds in dié dorp gevestig.
“Ek het vir 10 jaar in Randfontein gebly voordat ek getrek het en ek sal altyd ‘n groot liefde vir die gemeenskap hê. Ek is baie lief vir die dorp se mense,” het sy gesê.
Sue-Ann is baie lief vir haar katkinders wat rondom Midas woon en maak altyd seker dat hulle magies vol is.
“Ek is ‘n mense-mens en ek is mal daaroor om met die publiek te werk. Dis hoekom ek nie die werk sal kan los nie,”het sy bygevoeg.
