Die bekende akteur, regisseur en nuusleser, Erik Holm het Hoërskool Riebeeckrand op Maandag, 21 Januarie besoek.
Hy het ‘n motiveringspraatjie vir die leerders gelewer.
“Erik se positiewe uitkyk op die lewe het Riebeeckrand se leerders diep geraak. Hy het baie klem gelê op samehorigheid, ondersteuning, positiewe gedagtes en tyd wat jou kosbaarste besitting is. Leerders is gemotiveerd en wil graag so passievol en gedrewe soos Erik wees,” het Elzeri Wright, skoolwoordvoerder gesê.
Volgens Elzeri is dit vir die skool belangrik om die leerders gemotiveerd te hou. Daarom reël hulle dikwels dat bekende kunstenaars Riebeeckrand besoek sodat hulle met die leerders kan praat en hulle inspireer.
“Ons visie is ‘Leef met hoop’ en ons streef dit graag na. Dit is lekker om ons Riebeeckranders gelukkig te sien en hulle te help om doelwitte te genereer en daardie doelwitte na te streef,” het sy bygevoeg.
Do you perhaps have more information pertaining to this story? Email us at randfonteinherald@caxton.co.za (please remember to include your contact details in the email) or phone us on 011 693 3671.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
