Leerders, personeel en ouers van Hoërskool Jan Viljoen het gelag dat die trane vloei tydens vanjaar se groentjiekonsert.
Dié konsert het vir lekker vermaak op Woensdag 16 en Donderdag 17 Januarie gesorg.
“Die Graad 8’s was Oermangwafs, oftewel grotmense. Die tema was dat selfs ‘n grotman ‘n plekkie in Hoërskool Jan Viljoen kan kry. Die hoogtepunt was die hoendervleisoomblik toe hulle die skoollied gesing het, want dit was duidelik dat hierdie Oermangwafs nou trotse Jannas is,” het Nirica Crous, waarnemende skoolwoordvoerder gesê.
George Smith het die konsert gereël, en Nirica en Bianca Briendenhann was die skrywers van die komiese meesterstuk. Die tonele het met snaakse danspassies op gewilde liedjies gepaard gegaan.
“Die Graad 8’s het gedans en toneel gespeel asof hul lewens daarvan afhang en hulle het hulself goed van hul taak gekwyt. Tussen ure van inburgering en klasse het hierdie nuwe Jannas-leerders tyd gemaak om hard te oefen sodat die produksie ‘n sukses kon wees,” het sy bygevoeg.
Do you perhaps have more information pertaining to this story? Email us atrandfonteinherald@caxton.co.za(please remember to include your contact details in the email) or phone us on 011 693 3671.
For free daily local news on the West Rand, also visit our sister newspaper websites