Met Kersfees om die draai het motorfietsklubs aan die Wes-Rand hul harte oopgemaak en geskenke en lekkers by Laerskool Rapportryer (Rappies) uitgedeel.
“Die geskenke is by die jaarlikse Santa Run ingesamel, en Piet en Barbara Naude van Scream Motorfietsklub het seker gemaak dat leerders by Rappies ook hierdie Kersseisoen kan geniet,” het Roleen Olivier, skoolwoordvoerder gesê.
Scream Motorfietsklub tesame met ander motorfietsklubs soos Wicked Wheels, Naughty by Nature, Nemos, Active Disciples, Team 22, Mistify, Smokin’ Guns, Tudor Rebels en Non Patch Riders het met die gebrul van motorfietse die leerders op Vrydag, 23 November op die skoolterrein verras.
“Rappies bedank die klubs vir hul ontbaatsugtige gebaar. Vele kinderharte is verbly,” het Roleen bygevoeg.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
