Leerders van Hoërskool Riebeeckrand het as deel van ‘n ATKV-Jeugdag gemeenskapsprojek hul merk by die plaaslike Dierebeskermingsvereniging (DBV) gemaak.
Die uitreik was oorspronklik net vir AKV-lede, maar die organiseerders het soveel positiewe terugvoer gekry dat hulle besluit het om die hele hoërskool te betrek. Meer as 100 Riebeeckrand-leerders het geverf, geskoffel, plantjies geplant en meer geleer oor hoe die DBV werk.
Leerders is gevra om produkte te skenk, en die skool het ook ‘n paar donasies van besighede af gekry.
“Ons het produkte van nagenoeg R30 000 ingesamel – van baie sakke kos tot meer as 100 komberse. Leerders kon ook Woensdag in gewone klere skool toe gaan, mits hulle kos of R10 bring. Ons het daardie geld gebruik om dieremedisyne te koop,” het Anchené van Jaarsveld, ATKV-takbestuurder en onderwyseres by Hoërskool Riebeeckrand gesê.
“Ek is self baie lief vir diere en soveel mense aanvaar die DBV se dienste as vanselfsprekend, maar hulle het eintlik altyd hulp nodig. Ons gaan binnekort ook ‘n finansiële bydra aan hulle maak,” het sy gesê.
Volgens Anchené wil hulle graag in die toekoms steeds by die DBV betrokke wees.
Do you perhaps have more information pertaining to this story? Email us at randfonteinherald@caxton.co.za (please remember to include your contact details in the email) or phone us on 011 693 3671.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
