Die organisasie Multi Charity het weer hul liefdadigheidsvlerke gesprei en na minderbevoorregte bejaardes asook kinders uitgereik.
Monica en haar man, Craige Lancellas het Dick Powell Villas op Saterdag, 7 April besoek en kospakkies, lekkers en klere uitgedeel.
“Die feit dat die ontvangers hande geklap en gelag het, spreek boekdele,” het Monica vertel.
Daar was ‘n Christelike boodskap en ‘n kruis op elke kospakkie sodat die mense die boodskap kan lees as motivering en inspirasie wanneer hulle moedeloos voel.
Volgens Monica doen hulle dié tipe liefdadigheidswerk twee keer ‘n maand.
Dit is die paartjie se passie om te probeer help waar hulle kan. Monica het bygevoeg dat die behoefte in Randfontein baie groot is en dat hulle glo dat elke bietjie ‘n verskil maak.
Multi Charity bestaan nagenoeg 18 maande.
“Ons motto is om liefde aan Randfontein te betoon,” het Monica gesê.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
