Esmé Cassidy, wat al nege jaar in Randfontein bly, het die Herald gevra om te kom kyk na die rioolwater wat op die hoek van Fredalaan en Brianweg uitstroom.
Cassidy het verduidelik dat rioolwater gisteraand, 18 Februarie so teen 10nm reg by die stopteken begin oorloop het.
“Ek het die Rand West City Plaaslike Munisipaliteit reeds twee keer vanoggend laat weet, en hulle het gesê hulle sal uitkom om dit te herstel. Verlede jaar was daar ook ‘n artikel oor dieselfde plek, waar baie water gemors is,” het sy gesê.
Wat haar ook pla is ‘n sloot vol water, waar ‘n subkontrakteur van die munisipaliteit vermoedelik ‘n pyp moet lê. “Dit lyk nie eintlik of hulle weet wat om daar te doen nie. Die werk kom net nie klaar nie,” het Cassidy gesê.
Lees ook: Pasop motoriste! Daar’s spoedhobbels in Fredalaan
Die Herald wag op kommentaar van Craig Harrison, DA-raadslid vir Wyk 7.
Do you perhaps have more information pertaining to this story? Email us at randfonteinherald@caxton.co.za  (please remember to include your contact details in the email) or phone us on 011 693 3671.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
