Hoërskool Riebeeckrand het op Vrydag, 22 September behoorlik lente gevier.
Elke voogklas moes hul klaskamer volgens die lentetema versier en daar was ‘n prys op die spel.
“Die klasse het ongelooflik baie moeite gedoen met die versierings. Daar was selfs ‘n klas wat braaidag by hul versierings geïnkorporeer het en heerlik aan braaivleis gesmul het,” het skoolwoordvoerder, Elzeri Wright gesê.
Dit was vir die beoordelaar moeilik om die twee wenklasse te kies – een uit die juniorfase en een uit die seniorfase.
Martinet Theunissen, voorsitter van ATKV-Randfontein het die moeilike taak gehad om die klasse te beoordeel. Die ATKV het die pizzas en koeldrank geborg.
“Dit was voorwaar ‘n lentefees propvol pret en plesier. Ons bedank elke leerder en personeellid vir hul moeite, kreatiwiteit en gees. Riebeeckrand wil graag vir ATKV-Randfontein bedank dat hulle die pryse vir die twee wenklasse geborg het,” het Elzeri gesê.
Die wenners was as volg:
• Juniorwenner: Renaldi du Plooy se Graad 9-voogklas
• Seniorwenner: Bets van den Berg se Graad 11-voogklas
Martinet het aan die Herald vertel dat sy asook die ATKV daarna uitsien om weer saam met Riebeeckrand te werk en pret te hê.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
