Hoërskool Riebeeckrand het (Woensdag 4 Maart) aan die jaarlikse vasvrakompetisie by Hoërskool Westonaria deelgeneem en uitgeblink.
Die kompetisie onder mekaar was wel besonder taai en die vier deelnemende skole naamlik Rierand, Hoërskool Jan Viljoen, Hoërskool Westonaria en Hoërskool Wonderfontein moes alles gee.
Tydens die vasvrakompetisie word leerlinge se algemene kennis, vakkennis en kennis rakende resente en nuusgebeure getoets.
Na al die swoeg en sweet het Rierand se junior- en seniorspanne bo uitgekom en die eerste plek beklee.
Die juniors was met 17 punte baas terwyl die seniors met drie punte geseëvier het.