Dit is weer tyd vir die Vriendskapstuiste Ouetehuis se jaarlikse Kersmark.
Die mark sal Saterdag 29 November by die Ouetehuis om 9vm begin.
Die mark wat al meer as 10 jaar ‘n instelling in Randfontein is, beloof om hierdie jaar groter as ooit te wees. Almal van Randfontein word hartlik uitgenooi om die dag saam met hulle te geniet.
Produkte wat beskikbaar gaan wees sluit in handgemaakte juwele, naaldwerk, breiwerk, tuisgemaakte-bottels, koeke en brood. Daar gaan ook heerlike eet- en drinkgoedjies te koop wees. Gaste sal deur gospel-sangers vermaak word.
Stalletjies is beskikbaar teen R200 en enige persoon wat produkte wil verkoop of ten toon stel is welkom om ‘n stalletjie te huur. Daar is net ‘n paar oor.
• Navrae: Petru by 011 412 1044 of 076 099 3567.
