Laerskool Randfontein (Ram) se netbalspanne beleef ‘n besonderse goeie seisoen, met puik prestasies tot dusvêr op alle vlakke.
Volgens die skakelbeampte van Laerskool Randfontein, Annie Nolan, oefen Ram se netbalspelers daagliks en werk hulle baie hard om te verseker dat hulle by elke byeenkoms presteer.
“Al dié harde oefening en toewyding het vrugte afgewerp tydens die onlangse D2-proewe waar ses van Ram se netbalmeisies in die D2-span opgeneem,” vertel Annie.
Dié leerlinge is Michaela Lubbe en Mabu Selowa – o.12. Berejean Domoney, Melouise Mulder, Shevonne Group en Mariska Kruger – o.13.
“Dié dogters sal ook binnekort aan die Gauteng Netbalproewe deelneem,” vertel Annie.
“Ons wens elkeen van dié leerlinge geluk met hul puik prestasie en hou duim vas dat dit met hulle sal goed gaan tydens die opkomende Gauteng Netbalproewe.”
