![](https://images.caxton.co.za/wp-content/uploads/sites/3/2013/10/ringbalcopy_513415157.jpg)
Randfontein Christian Academy (RCA) spog vanjaar met vier van hul leerlinge wat in ringbal presteer het.
Volgens die hoof van RCA, Retha Maré, het Marchant van Vuuren, Janu Saunderson, Cailin Saunderson en Monique van Vuuren vanaf 22 tot 27 September aan die Suid-Afrikaanse Ringbalkampioenskappe in Kroonstad deelgeneem.
“Dié groep leerlinge het baie goed tydens die kampioenskappe gevaar en drie van hulle het hul Gauteng Suid-Wes klere in ringbal verower,” vertel Retha.
Dié leerlinge is Marchant van Vuuren, Janu Saunderson en Cailin Saunderson.
Behalwe vir die drie leerlinge wat met hul Gauteng Suid-Wes klere spog, het Monique van Vuuren haar Suid-Afrikaanse Uitnodigingspan klere verower.
Sy is ook tydens die geleentheid in die o.17 SA uitnodigingspan opgeneem en het saam die res van haar span teen sewe ander spanne meegeding.
“Monique en haar span het puik gevaar en ‘n algehele tweede plek in die kampioenskappe behaal,” vertel Retha.