Local news
Maandelikse NWK Randfontein-boeremark ‘n groot sukses
Talle inwoners het opgedaag vir NWK Randfontein se boeremark om hul besigheidstalent ten toon te stel.
Die maandelikse en gewilde boeremark aangebied deur NWK Randfontein bly groei.
Op die laaste Saterdag van Februarie het talle inwoners weereens die boeremark in Loumarina AH bygewoon om plaaslike verkopers te ondersteun.
Soos altyd was daar ‘n verskeidenheid produkte beskikbaar, insluitend groente, plante, biltong, tuisgebak, lappoppe en selfs roomys. Die Rand-Wes Buurtwag was ook daar om meer inwoners te kry om deel te wees van ‘n gemeenskap wat die dorp ‘n veiliger plek wil maak.
