Leon Hefer-troosdiens: Meer as ‘n 1 000 sê totsiens

Die welbekende besigheidseienaar en ‘n geliefde inwoner van Randfontein, Leon Hefer, is deur ‘n troosdiens op Donderdag, 6 April, geëer.

Lees ook: Troosdiens vir Hefer beplan

Die diens was waargeneem deur dr Johan van Staden vanuit die Nederduitsch Hervormde Kerk Sionspoort in Randgate.

Lees ook: ‘Ons gaan Leon oneindig mis’ – Hefer-gesin

Familie, vriende en almal wat vir Leon geken het se harte het gebreek toe hulle hom finaal moes groet.

Die kerk was stampvol met meer as ‘n 1 000 rouklaers wat vir Leon vaarwel geheet het en mekaar bygestaan het na sy onverwagse dood op 22 Maart. Die kerk, wat ongeveer 700 sitplekke het, was volgepak en ‘n saal was oopgemaak vir nog gemeenskapslede wat toe deur ‘n regstreekse uitsending na die diens geluister het.

Lees ook: Body found in Ivory Park is that of missing businessman Leon Hefer

Voor in die kerk was daar ‘n pragtige foto van Leon langs ‘n kers asook ‘n bos Strelitzia plante.

Tydens die diens het dr Johan vertel dat hy lanklaas die gemeenskap so sien saamstaan soos die laaste twee weke. Hy het gesê dat Leon ‘n man was wat sy geloof ernstig opgeneem het. Sy gesinslewe was ook van kardinale belang.

Lees ook: Sionspoort se Buitelugkonsert uitgestel

“Leon het unieke gawes gehad, hy het alles met oorgawe gedoen.”

Hy het verder verduidelik dat Leon lief was vir treinry.

Lees ook: UPDATE: Missing businessman last spotted at service station

“Niemand kan al daardie mooi herinneringe wegneem nie, dit sal bly leef. Leon se hart was in sy werk, familie en vriende gewees, geen bose kan die herinneringe aan sy hart verduister of vernietig nie.”

Na afloop van die diens het almal buite voor die kerk bymekaargekom waar wit duiwe vrygelaat is ter herinnering aan Leon.

Lees ook: Welbekende besigheidseienaar skielik vermis

Sy seun, Leonardo Hefer, het toe sy pa se vaas (met sy as in) in die gedenkmuur geplaas langs sy oorlede vrou, Annelie Hefer.