Rugbyklub maak stadion weer mooi

Die Randfontein Rugbyklub-lede het onlangs hul moue opgerol om die Greenhills Stadion skoon te maak.

Voorsitter van die klub Johan Cronje het vertel dat hulle op Saterdag 9 Julie die ingang en rondom die veld skoongemaak het vir die eindrondte van die rugbykompetisie vir Groot, Medium en Klein Skole wat binnekort by die Randfontein Rugbyklub plaasvind.

Hulle het gras gesny, rommel opgetel en die ingang van die stadion geverf om dit weer mooi te laat lyk.

“Dit was baie goed en ons is bly dat daar soveel mense gedurende die dag kom help het.”

Volgens hom sal hulle beslis weer so ‘n skoonmaakdag hou.