Geliefde familiehond ontsnap uit erf

Sandra Fourie is op soek na hulle hond Levy wat onlangs uit hul erf in Ravenstraat, Greenhills weggeraak het.

Sy het vertel dat Levy, hul agtjarige Doubledutch-hond op Dinsdag, 12 Oktober skynbaar deur tralies ontsnap het waardeur hy nog nooit tevore kon klim nie. Levy het ‘n pers bandjie om sy nek.

Daar is tans ‘n R1 000-beloning vir enigiemand wat hom vir Sandra kan huis toe bring.

“Ons is so lief vir hom en hy vir ons. Hy was nog nooit uit die erf nie en sal moontlik nie weet hoe om terug te kom nie.”

Enigiemand wat vir Levy sien word versoek om vir Sandra te skakel by 083 262 5223 of vir Joe by 084 412 5676.