![](https://images.caxton.co.za/wp-content/uploads/sites/3/2021/04/DallynWindvogel_02663.jpg)
Hoërskool Riebeeckrand is trots om aan te kondig dat vier van hul leerders vanjaar deurgedring het na die finaal van die kykNET-toneelspelkompetisie.
Van 6 tot 12 Mei 2021 gaan 81 talentvolle finaliste van regoor die land in Kaapstad teen mekaar kompeteer.
![](https://images.caxton.co.za/wp-content/uploads/sites/3/2021/04/Rick_54251.jpg)
Volgens Elzeri Wright, skoolwoordvoerder is vanjaar die vyfde jaar dat Riebeeckrand-leerders deurdring na die finaal van hierdie nasionale toneelspelkompetisie. Hulle is Dallyn Windvogel, Devonique Breedt, Junior Khumalo en Rick van den Berg.
![](https://images.caxton.co.za/wp-content/uploads/sites/3/2021/04/Devonique_16109.jpg)
“Ons beskou dit as ‘n groot prestasie aangesien honderde leerders van regoor die land vir dié kompetisie inskryf.”
![](https://images.caxton.co.za/wp-content/uploads/sites/3/2021/04/JuniorKhumalo_20256.jpg)
Riebeeckrand is ontsettend trots op hierdie leerders en wens hulle sterkte toe met hul deelname aan die finaal.