Esmè Alberts van Roodepoort het besluit om in te spring en ‘n gedeelte van die Greenhills-begraafplaas netjies te maak.
Esmè het van haar werksmense van Absolut Security bymekaar gekry om op Woensdag, 3 Februarie te kom help skoonmaak. Volgens haar het hulle die vorige dag heeldag gewerk om die blok skoon te maak, en is die volgende dag terug om die res te doen.
Sy het vertel dat sy al vyf jaar haar vriendin se graf daar skoonmaak en netjies hou, en het toe besluit om sommer die blok waarin die graf is, ook skoon te hou.
Die gras is so lank dat jy nie eers die grafte kan sien nie, daarom het ek besluit om die hele blok skoon te maak.”
Volgens Esmè gaan sy probeer om elke maand dié betrokke blok skoon te maak, en het voorgestel dat as ander mense ook ‘n blok aanneem en daardie blok skoon hou, die hele begraafplaas baie netjies sal bly.
