Besighede vat hande by Teine-brunch
Besigheidsmans- en -vroue van ver en reg onder ons neus het 'n Teine-brunch bygewoon om besigheid te praat.
Talle besigheidsmanne en -vroue het van oral op 4 November by Randfontein Rugbyklub bymekaargekom vir ‘n #Teineboys Business Brunch.
Die doel was om besigheid te praat en om mekaar beter te leer ken.
“Dit is belangrik dat besigheidsmanne en -vroue kan kommunikeer en besigheid doen. Die doel is om verskeie besighede aan mekaar voor te stel en bande te smee,” het Johan Cronjè, voorsitter van die klub en direkteur van Mapogo vertel.
Hulle beoog om ten minste een keer per maand so ‘n gesellige geleentheid aan te bied.
“Dit was ook ‘n geleentheid om besigheidsmense van die Here te vertel wat ons so gedra het tydens die inperking weens Covid-19. Sonder Hom sou ons dit nie gemaak het nie,” het Johan gesê.
Hy het vertel dat Itec die spitbraai en ander kos geborg het. Voortaan sal elke besigheid die geleentheid kry om die kos vir die funksie te voorsien.