Bob en Wendy Kleuterskool het op Saterdag, 3 Oktober ‘n Lentefees gehou.
Volgens Christa Marx, hoof van Bob en Wendy Kleuterskool, het die kleuters die dag geniet met ‘n springkasteel, boeresport en stalletjies, en hulle kunswerke is met trots vir die ouers en publiek uitgestal. Ouers kon ook hul kunswerke koop en daar was pryse te wen vir jonk en oud.
“Almal het die dag baie geniet.”
Sy het vertel dat die Lentefees ‘n fondsinsameling vir die skool was. “Na Covid-19 probeer ons projekte aanpak om geld in te samel,” het Christa vertel.
“Ons wil graag al ons ouers, Tony’s Meat Market, Klasie’s Biltong en Whaka Whaka Clothing uit die diepte van ons harte bedank vir al die ondersteuning en skenkings.”
