Kankerlyer verloor haar stryd
Amelia Kruger is op 21 Julie oorlede nadat sy 'n jaar gelede met borskanker gediagnoseer is.
Familie is in rou na die afsterwe van kankerlyer Amelia Kruger van Hectorton.
Volgens familie het Amelia op 21 Julie haar stryd teen die siekte verloor nadat sy in 2019 met borskanker gediagnoseer is.
Derick le Roux, Amelia se pa het gesê sy het op 2 Junie haar 38e verjaarsdag gevier maar het daarna drie terugslae gehad waarvan die laaste een ‘n ernstige beroerte was. Teen die einde was sy totaal afhanklik van ander om haar te help.
Al was dit duidelik dat sy gely het, sal almal haar onthou as die vrou met die groot glimlag en donker krulhare. Amelia se dogter is nege jaar oud.
Sy is op 24 Julie tydens ‘n baie emosionele diens vanuit die Betesda Bedieninge-kerk begrawe.
Lees volgende week se Herald vir ‘n eksklusiewe onderhoud met Amelia se familie en vriende.
