Nuwe Graad 1-groep by Ram se eerste atletiekdag

Laerskool Randfontein se nuwe Graad 1’s het op Maandag, 20 Januarie tydens hul eerste amptelike atletiekdag vir die eerste keer regtig deel gevoel van die grootskool.

Elke leerder het ‘n kans gekry om aan verskeie items deel te neem en het dit baie geniet.

“Dit was net vir die pret en om vir die leerders ‘n gevoel te gee wat die onderskeie atletiekitems behels,” het Annie Nolan, skoolwoordvoerder gesê.

Die leerders se mammas en pappas het kom kyk hoe hul kinders deelneem en hulle van die pawiljoen af aangemoedig en toegejuig.