Afrikaanse hartebreker op die verhoog in R’fontein

Die bekende Afrikaanse sanger, Elandré, gaan binnekort die dorp se mense met sy gewilde musiek vermaak.

“Elandré gaan op 7 Junie vanaf 7.30nm by Fantasy Farmyard op die verhoog wees. Ons hoop om al die Randfonteiners daar te sien,” het Sonja Conradie van Fantasy Farmyard gesê.

Die optrede word deur Fantasy Farmyard en Star Eventovasion gereël en beloof om ‘n onvergeetlike aand te wees. Daar sal oudergewoonte tot laat gekuier en gedans word.

Volgens Sonja verkoop kaartjies soos soetkoek en daar is net ‘n beperkte hoeveelheid beskikbaar.

Vir meer inligting of om kaartjie te koop, skakel Sonja by 071 684 8074 of vir Dirk Loots by 082 568 5744.