Vet pret by Rammies se huissport

Laerskool Randfontein (Ram) het onlangs ‘n spesiale huissportdag vir die nuwe Graad 1’s gehou.

Op Maandag, 14 Januarie het dié nuwe Rammies gehardloop, spiesgegooi en selfs gewiggestoot om hul atletiese vermoëns te demonstreer.

“Dit is baie oulik, want ons kombineer die atletiek met boeresport om dit vir hulle pret te maak. In plaas van regte spiese, gebruik ons sponsspiese en die leerders gooi lemoenpamoentjies in die gewigstoot,” het Annie Nolan, skoolwoordvoerder gesê.

Die leerders het met groot opwinding aan die onderskeie items deelgeneem en die sakresies was ‘n groot treffer. Trotse ouers het die middag saam met die Rammies geniet en hulle aangespoor vanuit die pawiljoen.

“Daar was uitdunne en aan die einde van die dag is trofeë aan die wenners uitgedeel. Dié huissportdag is elke jaar ‘n hoogtepunt in die skool se dagboek,” het sy bygevoeg.

Do you perhaps have more information pertaining to this story? Email us at randfonteinherald@caxton.co.za  (please remember to include your contact details in the email) or phone us on 011 693 3671.

For free daily local news on the West Rand, also visit our sister newspaper websites

Roodepoort Record

Krugersdorp News 

Get It Joburg West Magazine

Remember to visit our Facebook, Twitter and Instagram pages to let your voice be heard!