Bekende sakeman sterf na kort siekte
Hy sal vir altyd voortleef in ons harte – dogter na haar pa en eienaar van AJ Pumps se skielike dood.
André de Wit, 69, ‘n geliefde inwoner en sakeman van Randfontein, is Maandagaand (2 Julie) na ‘n kort siekte oorlede.
André was die eienaar van AJ Pumps.
Volgens sy dogter, Lynette McMurty, is haar pa weens natuurlike oorsake dood. Sy het vertel dat hy in Randfontein grootgeword het en oral in die gemeenskap bekend was vir sy wonderlike werk en sy diens aan veral die boerderygemeenskap.
“Hy sal altyd onthou word vir sy eerlike, opregte manier van besigheid doen en die uitstekende diens wat hy gelewer het.
Hy was altyd gereed om iemand in nood te help, veral as hulle sonder water was of ‘n pomp stukkend was. Wateraanwys met sy drade was sy passie.
“Hy was ‘n saggeaarde mens met baie wysheid – ‘n wonderlike eggenoot, pa en oupa. AJ Pumps se deure staan steeds oop vir besigheid. Hy sal vir altyd in ons harte voortleef.”
André word oorleef deur sy vrou Engela, kinders en kleinkinders.
Sy begrafnisdiens word Vrydagmiddag, 13 Julie om 12 uur vanuit die NG Helikonpark Gemeente gehou.
Die familie bedank almal vir hul meelewing deur oproepe, boodskappe en kuiertjies.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
